ஜூஸ் Vs. ஸ்மூத்தி: எது சிறந்தது? – ஆரோக்கிய நன்மைகள் ஒரு முழுமையான பார்வை!
பழங்கள் மற்றும் காய்கறிகளை அதன் இயற்கையான வடிவிலேயே உட்கொள்வதுதான் உடலுக்கு மிகவும் நல்லது. ஏனெனில், இவற்றில் அதிக நார்ச்சத்து மற்றும் ஊட்டச்சத்துக்கள் நிறைந்துள்ளன. ஆனால், இவற்றை சாறு அல்லது பானங்களாக மாற்றும்போது சில அத்தியாவசிய சத்துக்கள் குறையக்கூடும். இருப்பினும், பலர் பழங்கள், காய்கறிகளை ஜூஸ் அல்லது ஸ்மூத்தி வடிவில் அருந்தவே விரும்புகிறார்கள். இந்த இரண்டு பானங்களில் எது ஆரோக்கியத்திற்கு நல்லது? எது அதிக ஊட்டச்சத்துக்களைக் கொண்டது? எதை அருந்துவது சிறந்தது என்பதைப் பற்றி விரிவாகப் பார்க்கலாம்.
பழ ஜூஸ்:
பழ ஜூஸில் வைட்டமின்கள், தாதுக்கள், கரோட்டினாய்டுகள் மற்றும் ஆன்டிஆக்ஸிடன்ட்கள் போன்றவை தனியாக பிரித்தெடுக்கப்படுகின்றன. குறிப்பாக, பீட்டா கரோட்டின் போன்ற சில சேர்மங்கள், சாறு வடிவில் உடலால் மிகவும் திறமையாக உறிஞ்சப்படலாம். ஸ்மூத்தி: ஸ்மூத்திகளை பொறுத்தவரை, ஆன்டிஆக்ஸிடன்ட்கள் நார்ச்சத்துடன் பிணைக்கப்பட்டு ஊட்டச்சத்துக்கள் உடலுக்குப் பரவலாக கிடைக்க உதவுகின்றன. ஸ்மூத்திகள் பழங்கள், காய்கறிகளை அப்படியே அரைத்து தயாரிக்கப்படுவதால், ஊட்டச்சத்து இழப்பு மிக குறைவு. எனவே, அதிக ஊட்டச்சத்து தேவைப்படுபவர்களுக்கு ஸ்மூத்தி ஒரு சிறந்த தேர்வாகும்.
